Gwenda Thomas AC yn cyflwyno tystysgrif i Wyn Davies, Rheolwr y Co-operative Pontardawe ar ran Menter Iaith CNPT am hybu'r Gymraeg yn y gweithle

Mae siaradwyr Cymraeg sydd yn siopa yn Tesco Pontardawe wedi nodi bod y cyhoeddiadau dros y system cyhoeddus yn cael eu gwneud yn Gymraeg yn ogystal â Saesneg, a’r aelod o staff sy’n gyfrifol am hyn yw Novella Evans. Er iddi wneud hyn o’i gwirfodd mae’n derbyn cefnogaeth frwd gan ei chyd-weithwyr a chwsmeriaid Tesco Pontardawe.

Fe benderfynodd Pwyllgor Rheoli Menter Iaith Castell-nedd Port Talbot gydnabod cefnogaeth Tesco i’r iaith Gymraeg ac fe aeth Iona Herbert ac Alun Pugh swyddogion y fenter draw i’r siop i gyflwyno tystysgrif

Yn y llun gwelir Iona Herbert, o Fenter Iaith Castell-nedd Port Talbot yn cyflwyno tystysgrif y fenter i Novella, gyda Nigel Rees, rheolwr cynorthwyol a Karen Parvin, arweinydd tîm.