Dysgwyr

Dysgwyr 1

Dewis

Rhagor

CWIS CARIAD Trefnwyd noson o adloniant yng Nghlwb Rygbi Castell-nedd ar nos Wener, 25 Ionawr ble ddaeth tua 50 o ddysgwyr a Chymry Cymraeg yr ardal i ddathlu diwrnod Santes Dwynwen. I ddechrau’r noson cafwyd Cwis Cariad dan ofal Alun Pugh o’r Fenter Iaith gyda chwestiynau ar ganeuon serch Cymraeg a Saesneg a pharatowyd gan Glynis Williams. Cafwyd tipyn o sbri yn ystod y sesiwn, ambell un yn meddwl taw noson ‘karaoke’ oed hi! Yn fuddugol, criw o ferched sydd yn dysgu Cymraeg yng Nghastell-nedd. Da iawn chi. Yn dilyn y cwis bu Lisa Pedrick yn swyno’r gynulleidfa gyda pherfformiad gwych o ganeuon serch ag ysgrifennwyd gan Lisa ei hun. Noson wych arall a threfnwyd gan Is-bwyllgor Dysgwyr y Fenter a ma’ ddiolch mawr yn mynd iddyn nhw. 19/03/2008 Noson gymdeithasol i Ddysgwyr Mae dysgwyr Castell-nedd Port Talbot yn rhai cydwybodol (conscientious) iawn. Maen nhw’n mynd i ddosbarth nos unwaith neu ddwywaith yr wythnos ac yn gweithio’n galed er mwyn (in order to) gallu deall a siarad Cymraeg. Mae Menter Iaith Castell-nedd Port Talbot yn sylweddoli (realises) bod yna angen (need) gwneud rhywbeth ychwanegol (additional) i’r dosbarthiadau ac y mae’n trefnu un weithgaredd (event) y tymor ar eu cyfer. Ar nos Iau, Chwefror 1af, yn Ystafell Ganmlwyddiant Gwesty’r Castell, Castell-nedd, daeth criw o ddysgwyr at ei gilydd i fwynhau noson gymdeithasol (social). ’Roedd rhai o’r dysgwyr yn chwarae Scrabble yn Gymraeg ac eraill yn chwarae gêm ieithyddol (linguistic) gyda chardiau chwarae (playing cards). ’Roedd safon (standard) iaith y dysgwyr yn amrywio (varied) o ddechreuwyr pur (complete starters) i rai sydd yn rhugl (fluent). Hefyd, rhaid diolch i’r tiwtoriaid oedd yn bresennol i roi help llaw i’r dysgwyr pan oedd ei angen arnynt. Hefyd daeth rheolwraig (manager) Siop Tŷ Tawe, Abertawe, yno gyda chyflenwad (stock) o lyfrau a geiriaduron ar gyfer dysgwyr. Ar ddiwedd y noson, ’roedd pawb yn cytuno (agreed) bod rhywbeth fel hyn yn help mawr i ddysgwyr ymarfer (practice) beth maen nhw wedi dysgu yn y dosbarth. Bydd noson arall yn cael ei threfnu ar ôl Gwyliau’r Pasg ac mi fydd y tiwtoriaid yn cael gwybodaeth amdani ar ddechrau tymor yr haf. Os oes gennych chi syniad ar y math o ddigwyddiad hoffech i ni ei drefnu, cysylltwch â ni ar 01792 864949 neu menter@micnpt.org If you have a suggestion as to the type of event you’d like us to organise, please let us know on the above telephone number or e-mail address. 14/03/2007

Dysgwyr brwd mewn Sadwrn Siarad Dydd Sadwrn, Ebrill 28ain, daeth dros 60 o ddysgwyr at ei gilydd i Goleg Castell-nedd a gwario diwrnod cyfan mewn gwersi. ’Roedd hi’n ddiwrnod arbennig o braf, ac eto, ’roedd rhain yn barod i wario’r diwrnod cyfan mewn gwersi Cymraeg. Dyna beth yw ymrwymiad (commitment)! Wrth gerdded ar hyd goridorau’r coleg, heb wybod yn iawn ble ’roedd y dosbarthiadau’n cael eu cynnal, daethpwyd o hyd iddynt yn ddigon hawdd (they were easily found) wrth ddilyn sŵn byrlymus (bubbly) lleisiau’n siarad (yn Gymraeg) yn ogystal â sŵn chwerthin. ’Roedd pawb wedi eu rhannu yn ôl eu gallu, ond yn ystod amser coffi, daeth y dysgwyr a’u tiwtoriaid at ei gilydd. Wrth siarad â’r dysgwyr, yr argraff (impression) gafwyd oedd eu bod yn mwynhau eu hunain yn fawr iawn. Rhaid sôn yma am ymroddiad (application, devotion) y dysgwyr hyn tuag at ddysgu’r iaith. Nid yn unig trwy fynychu (attend) gwersi ddwywaith yr wythnos am fwy na blwyddyn ond hefyd am roi o’u hamser sawl gwaith y flwyddyn i fynychu sesiynau Sadwrn Siarad. Mae Menter Iaith Castell-nedd Port Talbot wedi trefnu digwyddiad i ddysgwyr yn Amgueddfa Werin Sain Ffagan ar ddydd Sadwrn, Gorffennaf 14eg. Trefniadau’r diwrnod yw eich bod yn gwneud eich ffordd eich hunan i Sain Ffagan, ac mi fydd Iona Herbert o’r Fenter Iaith yno’n cyfarch pawb gyda holiaduron byddwch yn eu defnyddio wrth ymweld â’r adeiladau. Holiaduron yw’r rhain gafodd eu paratoi gan yr Amgueddfa Werin ar gyfer dysgwyr o bob safon. I ddechreuwyr pur, ceir holiadur sy’n gofyn cwestiynau fel “beth yw’ch enw chi?” ac “o ble dych chi’n dod yn wreiddiol?” I’r dysgwyr mwy profiadol, ceir holiaduron sy’n gofyn am fwy o wybodaeth. Mae pawb sydd wedi gwneud y math yma o weithgaredd yn barod wedi mwynhau eu hunain yn fawr iawn. Hefyd, gallwch ddod â’ch teulu a ffrindiau gyda chi am ddiwrnod diddorol iawn yn yr amgueddfa. Mae’r wybodaeth am y diwrnod hwn gyda’ch tiwtoriaid yn barod ac efallai eich bod wedi penderfynu dod draw. Felly, edrychwn ymlaen at eich gweld yno. 22/05/2007 Cinio Dydd Gŵyl Dewi Penderfynodd Menter Iaith Castell-nedd Port Talbot drefnu cinio i ddathlu Dydd Gŵyl Dewi eleni. Daeth 30 o bobl i’r cinio yng Ngwesty’r Dillwyn Arms, Pontardawe ar ddydd Mawrth, Mawrth 1af. Paratowyd cawl gwych gan gogydd y gwesty gyda phicau ar y maen gyda choffi a the i ddilyn. Fe ddaeth bobl o dros y sir i gyd i fwynhau’r lluniaeth, a gobeithir cynnal ciniawau tebyg yn achlysurol yn y dyfodol. Ailwampiwyd gwesty’r Dillwyn Arms yn ystod yr haf llynedd ac y mae’n le delfrydol gydag awyrgylch gyfforddus a chyfleusterau modern safonol. Mae digon o le i 50 yn y lle bwyta gyda lle i eistedd y tu allan sydd yn edrych dros yr afon Cwm Du. Gellir cynnal cyfarfodydd i hyd at 20 o bobl yn yr ystafell gynhadledd. Hefyd gellir darparu cyfleusterau megis uwch daflunydd, ffacs, siartiau fflip a phapur. Am fwy o wybodaeth, cysylltwch â Gwesty’r Dillwyn Arms, Pontardawe ar: Ffôn: 01792 863310 Ffacs: 01792 864849 E-bost: thedillwynarms@aol.com Gwefan: www.thedillwynarms.co.uk 13/05/2005

Bore Coffi'r Fenter Cynhelir Bore Coffi bob bore Mercher yng nghaffi'r Willow Grove, Castell-nedd rhwng 10.30 a 11.30 o'r gloch. Caffi dim ysmygu yw hwn ac y mae bore coffi'r fenter yn cyfarfod yn yr ystafell gefn. Estynnir croeso cynnes i Gymry Cymraeg, Cymry ail-iaith a Dysgwyr, felly galwch draw am ddisgled a chlonc.
Croeso yng Nghastell Nedd Bydd criw o bobl yn cyfarfod yn wythnosol bob bore Sadwrn yng Nghanolfan Coleg Castell-nedd Port Talbot, Stryd y Frenhines, Castell-nedd. Cynhelir pob math o ddigwyddiadau yno, e.e. siaradwyr, cwis, ond prif nod y cyfarfodydd yw bod dysgwyr yn cael y cyfle i gymysgu gyda'i gilydd a hefyd gyda Chymry Cymraeg. Felly, os ydych yn ddysgwr/wraig neu'n siarad Cymraeg fel iaith gyntaf, dewch draw am sgwrs a disgled o 10.30 y bore tan tua 12 o'r gloch. Mae yna groeso cynnes i bawb. CYD Mae cangen CYD yn cwrdd bob nos Iau am 8 o'r gloch yng Nghlwb Rygbi Castell-nedd. Am fwy o fanylion cysylltwch â'r fenter ar 01792 864949.		Swyddog Datblygu CYD i Gwm Tawe Mae John Dixon wedi cael ei benodi’n Swyddog Datblygu CYD yng Nghaerfyrddin a Chwm Tawe.  Mae John o Gaerdydd yn enedigol, a dysgodd e'r Gymraeg yn y 70'au cynnar.  'Roedd e'n byw yn Ninas Powys, ym Mro Morgannwg tan 1991, pan symudodd e a'i deulu i fyw yn ardal Llanpumsaint.  Tan yn ddiweddar, bu'n gweithio i gwmni ymgynghori rhyngwladol, ond mae bellach yn gweithio rhan amser i CYD a rhan amser ar ei liwt ei hun fel ymgynghorydd.  Mae hefyd yn gwneud rhywfaint o gyfieithu, ac yn diwtor dosbarth Cymraeg i Oedolion yn Alltwalis.  Mae ei wraig, Fran, hithau wedi dysgu'r Gymraeg trwy gwrs Wlpan, hefyd yn y 70'au, ac mae ganddynt dri o blant.   Mae e wrthi ar hyn o bryd yn cwrdd â'r gwahanol grwpiau ac aelodau CYD yn ei ardal, ac yn gobeithio cychwyn grwpiau newydd yn y dyfodol agos hefyd.  Mae'n bwriadu cyd-weithio yn agos gyda'r gwahanol fentrau iaith er mwyn gwneud y gorau o'r adnoddau prin sydd ar gael.