menter@micnpt.org
Menter
Iaith
Castell-nedd Port Talbot
Canolfan y Groes
1 Stryd Fawr
Pontardawe.
SA8 4HU
Ffôn:
01792 864949
menter@micnpt.org
Menter
Iaith
Castell-nedd Port Talbot
Canolfan y Groes
1 Stryd Fawr
Pontardawe.
SA8 4HU
Ffôn:
01792 864949 |
|
Dysgwyr
Ymweliadau â Dosbarthiadau Cymraeg i Oedolion y Sir Yn ystod mis Chwefror, bu Alun Pugh a Iona Herbert, swyddogion Menter Iaith Castell-nedd Port Talbot yn ymweld â nifer o ddosbarthiadau Cymraeg i Oedolion o fewn y sir. Ni fu'n bosibl i ymweld â phob dosbarth, ond fe aeth Iona draw i ddau Sadwrn Siarad, un yng Ngholeg Castell-nedd a'r llall yn Ysgol Gyfun Cwrt Sart, Llansawel. Braf ydoedd gweld cymaint o bobl yn barod i roi o'u hamser a mynychu cwrs Cymraeg ar ddydd Sadwrn.
Prif nod yr ymweliadau ydoedd egluro beth yw Menter Iaith ac i gyflwyno ein hunain i'r dysgwyr a'u tiwtoriaid. Hefyd, fe ddosbarthwyd calendrau Bwrdd yr Iaith Gymraeg ac yr oedd pawb i'w gweld yn hapus iawn i'w derbyn.
Mae'r fenter am gadw bas data o holl ddysgwyr y sir ac er mwyn hwyluso'r gwaith, rhoddwyd ffurflen i bawb oedd yn digwydd bod yn y dosbarthiadau a'r Sadyrnau Siarad i'w chwblhau gyda'r wybodaeth angenrheidiol. Os ydych chi'n digwydd bod yn ddysgwr sydd yn byw o fewn ardal Castell-nedd Port Talbot a heb gwblhau ffurflen y fenter, cysylltwch â ni ar 01792 864949.
O'r wybodaeth gasglwyd, byddwn yn edrych i drefnu digwyddiadau ar gyfer dysgwyr y sir yn y dyfodol agos.
| Bore Coffi'r Fenter Cynhelir Bore
Coffi bob bore Mercher yng nghaffi'r Willow Grove, Castell-nedd
rhwng 10.30 a 11.30 o'r gloch. Caffi dim ysmygu yw hwn ac y mae
bore coffi'r fenter yn cyfarfod yn yr ystafell gefn. Estynnir croeso
cynnes i Gymry Cymraeg, Cymry ail-iaith a Dysgwyr, felly galwch
draw am ddisgled a chlonc. |
|
 |
Croeso yng Nghastell Nedd
Bydd criw o bobl yn cyfarfod yn wythnosol bob bore Sadwrn yng Nghanolfan
Coleg Castell-nedd Port Talbot, Stryd y Frenhines, Castell-nedd.
Cynhelir pob math o ddigwyddiadau yno, e.e. siaradwyr, cwis, ond
prif nod y cyfarfodydd yw bod dysgwyr yn cael y cyfle i gymysgu
gyda'i gilydd a hefyd gyda Chymry Cymraeg. Felly, os ydych yn ddysgwr/wraig
neu'n siarad Cymraeg fel iaith gyntaf, dewch draw am sgwrs a disgled
o 10.30 y bore tan tua 12 o'r gloch. Mae yna groeso cynnes i bawb.
CYD
Mae cangen CYD yn cwrdd bob nos Iau am 8 o'r gloch yng Nghlwb Rygbi
Castell-nedd. Am fwy o fanylion cysylltwch â'r fenter ar 01792
864949.
|
|
Swyddog Datblygu CYD
i Gwm Tawe
Mae John Dixon wedi cael ei benodi’n Swyddog
Datblygu CYD yng Nghaerfyrddin a Chwm Tawe. Mae John o Gaerdydd
yn enedigol, a dysgodd e'r Gymraeg yn y 70'au cynnar. 'Roedd
e'n byw yn Ninas Powys, ym Mro Morgannwg tan 1991, pan symudodd
e a'i deulu i fyw yn ardal Llanpumsaint. Tan yn ddiweddar,
bu'n gweithio i gwmni ymgynghori rhyngwladol, ond mae bellach yn
gweithio rhan amser i CYD a rhan amser ar ei liwt ei hun fel ymgynghorydd.
Mae hefyd yn gwneud rhywfaint o gyfieithu, ac yn diwtor dosbarth
Cymraeg i Oedolion yn Alltwalis. Mae ei wraig, Fran, hithau
wedi dysgu'r Gymraeg trwy gwrs Wlpan, hefyd yn y 70'au, ac mae ganddynt
dri o blant.
Mae e wrthi ar hyn o bryd yn cwrdd â'r gwahanol grwpiau ac
aelodau CYD yn ei ardal, ac yn gobeithio cychwyn grwpiau newydd
yn y dyfodol agos hefyd. Mae'n bwriadu cyd-weithio yn agos
gyda'r gwahanol fentrau iaith er mwyn gwneud y gorau o'r adnoddau
prin sydd ar gael.
|
| |
|
|
|
|
