Sefydlwyd y Fforwm Iaith ym mis Mawrth 2003 gyda chwech o fudiadau – Y Fenter Iaith, Yr Urdd, Mudiad Ysgolion Meithrin, Merched y Wawr, TWF a Consortiwm Cymraeg i Oedolion Gorllewin Morgannwg. Bu’r Fforwm yn cyfarfod yn gyson bob mis, ac yn ystod y flwyddyn ddiwethaf mae tri mudiad arall wedi ymaelodi, sef, Adran Addysg Barhaus i Oedolion Prifysgol Abertawe, Adran Gymraeg i Oedolion Coleg Castell-nedd a Chwmtawe a Chyngor Gwasanaeth Gwirfoddol Castell-nedd Port Talbot.