Dyma rhai o ferched tîm pêl-rwyd y Waun yn eu hŵdis newydd. Mae’r merched dan 18 yn ymarfer bob nos Iau yng nghampfa Gwaun Cae Gurwen am 6yh. Croeso i chwaraewyr newydd ymuno â ni!

Cynhaliwyd Cwis Ffilmiau yn y Crown & Sceptre, Llangatwg ar nos Lun yr 17eg o Fai. Roedd hi'n noson lwyddiannus dros ben gyda'r lle yn llawn dop o gystadleuwyr. Paratôdd y Fenter glipiau o ffilmiau adnabyddus a chwestiynau i gyd-fynd. Roedd y sgôr yn agos iawn, yn enwedig rhwng y 3 tîm uchaf. Dyma'r canlyniadau:
Yn 3ydd gyda 85 o bwyntiau: Rhyfelwyr Lyn
Yn 2il gyda 87 o bwyntiau: Tîm Twp
Yn fuddugol gyda 90.5 o bwyntiau: Tîm Wil
Llongyfarchiadau i dîm Wil, a diolch yn fawr iawn i'r holl gystadleuwyr am eu cefnogaeth

Prynhawn Sul, 16 Mai, daeth trigolion yr ardal i gymryd rhan mewn ‘Helfa Drysor’ ar droed a threfnwyd gan Huw Bowen, Cadeirydd Is-bwyllgor Pontardawe'r Fenter Iaith.
Trefnwyd 3 taith i gyfeiriadau gwahanol i osgoi’r timau dilyn ei gilydd.
Bu’r Helfa yn sialens i ran fwyaf o’r timau, gydag ambell i dîm yn gweld rhannau o Bontardawe ni welwyd o’r blaen!
Gymerodd rhan fwyaf tua 2 awr i gwblhau’r tasgau ac i ddatrys y cwestiynau, cyn cyrraedd yn ôl yn y Gwachel i gael diod a phryd o fwyd.
‘Tîm y Rhos’ enillodd y wobr gyntaf, sef pryd o fwyd i 4 yn y Gwachel, rhodd gan Jason y perchennog. Diolch yn fawr i Jason am ei haelioni, Huw Bowen am ei waith caled trefnu’r holl beth ac i’r timau â’r stiwardiaid am eu cefnogaeth ar y diwrnod.
(Llun uchod - Huw Bowen yn cyflwyno'r wobr i Rachel a Louise)
(Llun isod - y timau yn aros i glywed canlyniad y gystadleuaeth)

Ar ddydd Gwener yr 11eg o Fehefin, fe aeth swyddogion a staff y Fenter i Tesco Pontardawe i bacio bagiau’r cwsmeriaid. Y bwriad oedd codi arian ar gyfer Gŵyl y Gwach sydd yn cymryd lle ar yr 16eg a’r 17eg o Orffennaf. Hoffai’r Fenter ddiolch i holl staff Tesco am eu cydweithrediad ac i’r cwsmeriaid am eu haelioni.

Cynhaliwyd Gigs y Gwach mis Mai ar nos Wener,
28ain. Agorwyd y noson gyda pherfformiad gwych gan Bronwen Lewis, gyda chefnogaeth oddi wrth Rhiannon ac Alys, y tair yn ferched lleol sydd yn mynychu Ysgol Gyfun Ystalyfera.
I gloi’r noson cafwyd perfformiad proffesiynol iawn unwaith eto gan y brodyr o Lanrug. Diddanwyd y gynulleidfa gyda chaneuon acwstig megis ‘Bohemia Bach’, ‘Bysedd yn dy Wallt’, eu teyrnged i’r paffiwr Johnny Owen ‘Y Sgwâr’ ar fersiwn hyfryd o glasur Leonard Cohen ‘Haleliwia’. Noson wych arall yn y Gwachel.
(Yn y llun uchod - 'Brigyn' gyda Dyfrig Harris, Cadeirydd y Fenter Iaith a Huw Bowen, Cadeirydd Is-bwyllgor Pontardawe)

Nos Fercher, 12 Mai cynhaliwyd 'Cwis Ffilmiau' yng Nghlwb Rygbi'r Alltwen ble ddaeth 16 o'r aelodau ynghyd i gymryd rhan yn y cwis a pharatowyd gan Sarah Rees o'r Fenter Iaith. Dangoswyd 10 glip o ffilmiau adnabyddus amrywiol e.e. 'Titanic', 'Mamma Mia' a 'Ryan a Ronnie' ac fe ofynnwyd 5 cwestiwn ar bob ffilm.
Bu'r noson yn un hynod o lwyddiannus, a diolch i Marilyn Pugh (taflunwraig) a Linda James (cwis feistres) am gynnal y noson. Yng nghyfarfod nesa'r Crotesi, cynhelir noson 'Caws a Gwin' ar nos Fercher, 9 Mehefin yng Nghlwb Rygbi'r Alltwen am 7.30yh.
Os ydych am ymuno â'r clwb neu yn dymuno cael mwy o wybodaeth, yna cysylltwch â swyddfa'r Fenter Iaith.
(yn y llun uchod Linda James yn holi'r Crotesi)